Müstəqillik günü
Azərbaycanın Dövlət Müstəqilliyi günü — Azərbaycan tarixinin ən mühüm günlərindən biri. Hər il 18 oktyabrda qeyd edilir.XX əsrin sonlarında SSRİ-nin dağılması ilə yaranan tarixi şərait nəticəsində Azərbaycan dövlət müstəqilliyini bərpa etmişdir. 1991-ci il oktyabrın 8-də Azərbaycan Ali Sovetinin işə başlanan növbədənkənar sessiyası 4 gün müzakirələr aparıb. Nəhayət, 1991-ci il oktyabrın 18-də Ali Sovetin sessiyasında tarixi sənəd - Dövlət Müstəqilliyi haqqında Konstitusiya Aktı qəbul edilib.Həmin vaxt aktın lehinə Ali Sovetin 360 deputatından 258-i səs verir, yerdə qalanlar ya sessiyaya qatılmayıb, ya da onun əleyhinə səs veriblər. Konstitusiya Aktında göstərilib ki, müstəqil Azərbaycan dövləti 1918-1920-ci illərdə mövcud olmuş Azərbaycan Xalq Cümhuriyyətinin hüquqi varisidir. Konstitusiya Aktı 6 fəsil, 32 maddədən ibarətdir.1991-ci il dekabrın 29-da ümumxalq referendumunda məsələ müzakirəyə çıxarılıb və əhalinin 95%-i səsvermədə iştirak edərək ölkənin müstəqilliyinə, suverenliyinə və istiqlaliyyətinə səs verib.Azərbaycanın müstəqilliyi bərpa olunandan sonra dövlət bayrağı, himni və gerbi haqqında da qanunlar qəbul edilib.Müstəqillik günü ilə əlaqədar Liseydə tədbir keçirildi. Tədbiri liseyin direktoru Arif Əsədov öz çxışı ilə başladı. Öz növbəsində Liseyin Biologiya müəllimi, Əməkdar Müəllim Həlimə Mehdiyeva , Təşkilatı işləri üzrə direktor müavini , Təhsil Nazirliyinin Fəxri Fərmanına layiq görülmüş Gülnaz Kərimova, Tarix müəllimi , tərəqqi medalına layiq görülmüş Güntəkin Məmmədova çıxış etdilər. Slaydlar nümayiş etdirildi . 11 b sinif şagirdi Rzayev Bahadur öz musiqi nömrəsi ilə çıxışı davam etdirdilər.
