Fəsillərin gözəlliyi
18 fevral 2020-ci il tarixdə liseyimizin "Ədəbiyyatsevərlər" dərnəyində dərnək rəhbəri Xalidə Daşdəmirovanın rəhbərliyi, fənn müəllimi Emel Talıbovanın və dərnək üzvlərinin fəallığı ilə "Fəsillər " mövzusunda dərs keçirildi. Şagirdlər mövzuya aid təqdimatlar hazırlamış , maraqlı məlumatlar toplamışdılar. Onlar hər bir fəsil haqqında məlumat verdilər. Şeirlər söylədilər. Hər bir fəslin aylara bölünməsini, qışı yaz, yazı yay , yayı isə payız fəsli əvəz edir. Fəsilləri biz çayların donması , qaranquşların gəlməsi, yarpaqların tökülməsi və s. ilə müşahidə edirik. İlin 12 ayı 4 fəsil arasında belə bölünür: mart, aprel, may-yaz ayları ; iyun, iyul, avqust-yay ayları; sentyabr, oktyabr, noyabr-payız ayları; dekabr, yanvar, fevral isə qış ayları. Şagirdlər bu aylarda olan bayramlar, eləcə də digər əlamətdar günlər haqqında danışdılar. Sinfin bütün şagirdləri fəal iştirak etdilər, dərsə həvəslə yanaşdılar. Şagirdlərimizə daha da fəal olmağı, əzmlə çalışmağı arzu edirk!
