Liseyimiz III Qrant müsabiqəsinin qaliblərindən biridir
147 nömrəli Texniki-humanitar liseyin direktoru Arif Əsədovun rəhbərliyi ilə liseyimizin Təhsil Nazirliyinin elan etdiyi Təhsildə İnkişaf və İnnovasiyalar üzrə III qrant müsabiqəsində ümumtəhsil məktəbi kateqoriyasında "İnformasiya Kommunikasiya Texnologiyalarının təhsilə tətbiqinin təbliğ edilməsi" nominasiyası üzrə hazırlanmış layihəsi qalib gəlmişdir. Layihə əsasında hazırlanan "Məktəblər üçün onlayn sorğu platforması" artıq layihənin icra planında nəzərdə tutulmuş müddəti başa vurmaqdadır. Sorğu iştirakçılarının anonimliyinin qorunması, istifadəsinin sadəliyi, nəticələrin maksimum sürətlə emal edilməsi platformanın ən müsbət xüsusiyyətləridir. Bakı Şəhəri üzrə Təhsil İdarəsinin tabeliyindəki 7 məktəbi, ümumilikdə 2000 nəfərdən artıq müəllim, şagird və valideyini əhatə edən layihə, düşünürük ki, məktəblərin idarə edilməsi, çevik və operativ qərarların verilməsi, baş verə biləcək hadisələri önləmək, siniflərin sosial və təlim prosesinin, şagird maraqlarının öyrənilməsi və s. baxımından çox zəruri bir vasitədir.
