”Gələcəyin mühəndisi” müsabiqəsi keçirilib
12 aprel – Ümumdünya Aviasiya və Kosmonavtika Gününə həsr olunmuş ”Gələcəyin mühəndisi” müsabiqəsi keçirilib.
Bakı şəhər məktəbliləri arasında keçirilən müsabiqə çərçivəsində şagirdlər Tusi-Bohm Planetariumda astroloji filmləri izləyib və onların əsasında maketlər hazırlayıblar. Müsabiqədə 24 ümumi təhsil məktəbi üzrə 63 iştirakçının hazırladığı 54 maket nümayiş etdirilib.
Müsabiqədə 6 "A" sinif şagirdləri Hidayətli Rəşad, Qarayeva Cəsurə, Nəbiyev Surxay və Atamoğlanov Tahir iştirak ediblər. Şagirdlərə fəal iştiraklarına görə sertifikat təqdim olunub.
Layihənin əsas məqsədi məktəblilərin astronomiya və astrofizika biliklərinin genişləndirilməsi, astronomik maarifləndirilmə sahəsində onların bilik və bacarıqlarının təkmilləşdirilməsi, kosmik sənayeyə marağının artırılması, şagirdlərin astronomiya dərnəklərində fəal iştirakının təmin edilməsi, kosmik mühəndisliyin təbliği, astronomiya və astrofizika sahəsinə ictimai diqqətin cəlb olunmasından ibarətdir.