145 №-li tam orta məktəb

• Vladimir Qrımzin Alekseyeviç
• Sinif: 6d
• Bölmə: Rus

2-3 mart 2024-cü il tarixlərində Almaniyanın Hamburq şəhərində keçirilən 8-ci Hamburg Open Karate turnirində 6 “D” sinif şagirdi, Samuray Karate klubunun karateçisi Qrımzin Vladimir ölkəmizi uğurla təmsil edib. 10-11yaş -40kg-a qədər karateçilərin mübarizəsində bütün rəqiblərinə qalib gələrək turnirin qalibi olmağı bacaran Vladimir, 10-11 yaşlı karateçilərin komanda döyüşlərində 3 qələbə qazanmaqla komandanın bürünc medal qazanmasında pay sahibi olmuşdur. Qrımzin Vladimirin turnirdə qazandığı qızıl və bürünc medallar münasibəti ilə təbrik edir, qarşıdakı dünya çempionatında qələbələr qazanmasını və dünya çempionatının qızıl medllarını qazanaraq bayrağımızı qaldırmağı, himnimizi səsləndirməsini arzulayırıq!

• Ruslan Məmmədov Vasif
• Sinif: 5ç
• Bölmə: Rus

5 “Ç” sinif şagirdi Məmmədov Ruslan Robotex Azərbaycan - Avrasya Çempionatı 2024 Kateqoriya MİNİ SUMO Ödül 1 yer 2-3 mart 2024 tarixlərində Bakıda Avropa İttifaqı tərəfindən dəstəklənən, robototexnika sahəsində tanınan dünyaca məhşur Robotex Beynəlxalq Yarışması keçirildi. Burada iştirakçılar 2 fərqli kateqoriya üzrə yarışmaya qatıldı. Qeyd edək ki, qalib komandalar Türkiyədə keçiriləcək yarımfinal mərhələdə iştirak etmək hüququ qazanacaqlar. (20-21 Aprel 2024). Və nəhayət, Türkiyədə qalib olan komandalar isə Dünya Çempionatında iştirak etmək hüququ qazanacaqlar. (15-19 Noyabr 2024)

• Rəsul Qaraxanov Rahiboviç
• Sinif: 4d
• Bölmə: Rus

Məktəbin şagirdi Rəsul Qaraxanov Gürcüstanda keçirilən "Batumi Open" beynəlxalq karate turnirində yüksək nəticə əldə edib. Belə ki, şagird karate üzrə beynəlxalq turnirdə ölkəmizi layiqincə təmsil edərək 2-ci yeri tutub. Onu da qeyd edək ki, Batumidə beynəlxalq turnir 10 ölkənin iştirakı ilə keçirilib. Azərbaycan komanda hesabı ilə beynəlxalq turnirdə I yerə çıxıb.

• Xıdır Haqverdiyev Rauf
• Sinif: 7e
• Bölmə: Rus

Məktəbimizin şagirdi Xıdır Haqverdiyev Almaniya mərkəzli Beynəlxalq Hi-Lingua Dil Olimpiadasında iştirak edib. 3 fərqli dildə biliklərini sınayıb və qalib olaraq qızıl medal qazanıb. Şagirdimizi təbrik edirik.

• Musa Məmmədli Elvin
• Sinif: 5d
• Bölmə: Rus

Məktəbimizin şagirdi Məmmədli Musa Türkiyədə keçirilən “2-ci Uluslararası Şehzadeler Kenti Türkiye Açık Kyokushin Kata ve Kumite Şampiyonası”da iştirak edib. Türkiyə Kung Fu Federasiyasının təşkil etdiyi çempionat Yeni Amasya idman salonunda baş tutub. Yarışa Türkiyə, Azərbaycan, Qazaxıstan, İraq, İran, Suriya, Banqladeş, Pakistan, Rusiya, Tunis ve Dağıstan olmaqla 10 ölkədən cəmi 480 idmançı qatılıb. Şagirdimiz 40 kq-lılar arasında I yeri qazanıb. Bir müddət əvvəl Musa Bakı çempionu da olmuşdu. Onu təbrik edir, uğurlarının davamını diləyirik.

• Emilya Məmmədova Eldar
• Sinif: 6a
• Bölmə: Azərbaycan

Məktəbimizin şagirdi milli rəqslər üzrə Avropa çempionatında iştirak edib. Rusiyanın Moskva şəhərində 53 ölkədən 5 mindən artıq rəqqasın iştirak etdiyi yarışın nəticələrinə görə Azərbaycandan gedən komanada ilk beşlikdə qərarlaşıb. Çempionatda məktəbimizin şagirdi Emilya Məmmədova digər Bakı məktəbliləri ilə birgə qrup tərkibində etdikləri rəqsə görə II yerə layiq görülüblər. Qaliblər diplom və hədiyyələrlə mükafatlandırılıb. Şagirdimiz Emilyanı və onunla bərabər uğur qazanan digər uşaqları təbrik edir, uğurlarının davamını diləyirik.

• Dinara Bəşirova Fərhad
• Sinif: 8a
• Bölmə: Azərbaycan

14-20 may 2017-ci ildə Rusiyanın Kazan şəhərində A.S.Puşkin adına Dövlət Rus dili İnstitutunda “Gənc Həmvətənlərin III Ümumdünya oyunları” çərçivəsində “Rus dilində dialoq” intellektual yarışı kecirildi. Məktəbimizin 8a sinif şagirdi Bəşirova Dinara intellektual oyunlarda I yeri tutub diplomla mükafatlandırıldı. Şagirdimizi təbrik edir, ona daha böyük uğurlar arzulayırıq.

• Aydan Məmmədova Vüqar
• Sinif: 9d
• Bölmə: Rus

“Svetozar” – möcüzəli jurnaldır. O, müxtəlif ölkələrindən olan uşaq və böyüklərin birləşməsinə, dostluğuna kömək edir. Rus dilinin bilik və sərhədlərinin genişləndirilməsinə vasitəçilik edən ən mühüm və lazimi işdir.0 9g sinif şagirdi Məmmədova Aydan “Elmi poeziyası” və “Şəxsi rəy” mövzularındakı inşalarına görə Moskvadan “Svetozar” jurnalı tərəfindən fəxri fərmanlarla təltif edilmişdir. Aydan “Svetozar” jurnalının Azərbaycana aid suallarına cavab verərək ən yüksək bal toplamış və rus dili və ədəbiyyatı müəllimi L. B. Barkanova ilə birlikdə Moskvada keçiriləcək olimpiadaya dəvət edilmişdir. Moskvada Aydan üçüncü yerə layiq görülmüş və fəxri fərmanla və xatirə hədiyyəsi ilə təltif olunmuşdur. L. B. Barkanova rus dilindən beynəlxalq olimpiadanın hazırlanması və keçirilməsində fəal iştirakına və əməkdaşlığına görə fəxri fərmanla təltif olunmuşdur. Qalibləri təbrik edir və yeni qələbələr arzulayırıq.