Əlifba bayramı
Məktəb həyatı şagirdlər üçün bir çox önəmli və unulmaz anlar ilə zəngin olur. Bunlardan biri də “əlifba bayramıdır”. Bu məktəbə qədəmlərini təzə atmağa başlayan birincilərin ən mühüm bayramıdır. Bu zaman balacalar hərfləri tanımaqlarının, sərbəst oxumaqlarının, öyrənib, yiyələndikləri biliklərin sevincini hər kəslə bölüşürlər.
Şagirdlərin bu özəl günü 130 nömrəli məktəbdə də təntənəli bayram tədbiri ilə qeyd olundu. Tədbirin keçirildiyi akt zalının səhnəsinin gözəl bəzədilməsi, zalın bədii tərtibatı, kompyuter effektləri balacaların sevincinə sevinc qatırdı.
Bu tədbirdə məktəbin şagird və müəllim kollektivi ilə yanaşı övladlarının sevincini paylaşmaq, onlara öz məhəbbət və diqqətini göstərmək üçün valideynlərdə iştirak edirdi.
Tədbirin əsas iştirakçıları olan birincilər müxtəlif mahnı və şeir parçaları ilə çıxış etdilər. Onlar müxtəlif rəqs parçaları nümayiş etdirdilər.
Məktəb direktorunun iştirak etdiyi bu tədbirdə Ağasəid müəllimin təbrik çıxışı xüsusi yer aldı.
Öz növbəsində şagirdləri təbrik edən direktor sonda ilk tədris illərini uğurla bitirən şagirdləri fəxri fərmanla mükafatlandırdı.
