"Azərbaycan dili" fənn aylığına start verildi
2015-2016-cı tədris ilinin fəaliyyət planına əsasən fevral ayında məktəbdə "Azərbaycan dili" aylığı elan olunmuşdur. Aylıq çərçivəsində məktəbdə divar qəzetlərinin buraxılması, referatların hazırlanması, ədəbi-bədii gecələrin, debat və dəyirmi masaların keçirilməsi, ekskursiyaların təşkili, 5-11 - ci siniflər arasında inşa müsabiqəsi, məktəb üzrə şeir müsabiqəsi, görkəmli ədəbiyyat xadimləri ilə görüş, həmçinin şagirdlərin bilik və bacarıqlarının yoxlanılması nəzərdə tutulub. Fənn aylığı barədə mütəmadi olaraq xəbərlərimizi oxucularımıza çatdıracayıq. Həmçinin fənn aylığının planını və iş qrafikini sizlərə təqdim edəcəyik.
