Vətən səni unutmadı
Mübariz İbrahimov 1988-ci il fevralın 7-də Biləsuvar rayonunun Əliabad kəndində anadan olub. 1994-cü il şəhid M.Piriyev adına Əliabad kənd orta məktəbinə daxil olmuşdur. 2005-ci ildə orta təhsilini başa vurub, hərbi xidmətə çağrılmışdır.
Hərbi xidmətini Daxili Qoşunların "N" saylı hərbi hissəsinin Xüsusi Təyinatlı Bölüyündə keçirib. Hərbi xidmətini 2007-ci ildə çavuş rütbəsində başa vurub. Bir müddət “İnter Sekyuriti” MMC-də mülki işlərdə işlədikdən sonra, 2009-cu ilin avqust ayında yenidən gizir rütbəsində hərbi xidmətdə çalışmağa başlayıb. Bir müddət sonra öz arzusu ilə cəbhə bölgəsindəki hərbi hissələrdən birində xidmət etməyə başlayıb.
18 iyun 2010-cu il tarixində gecə saat 23:30 radələrində gizir Mübariz İbrahimov təkbaşına iki ordu arasındakı bir kilometrlik minalanmış sahəni keçir. Ermənistan Silahlı Qüvvələrinin çox sayda əsgər və zabitini gözlənilmədən birinci həmlədə məhv edir. Sonra isə düşmənin öz silahlarını özünə qarşı istifadə edərək 5 saat onlarla təkbətək döyüşür. Düşməni ağır itkilərə məruz qoyur, V.Putin kitabında 135 ermenini məhv edildiyi dərc olunur. Mübariz onların zəif cinahlarını üzə çıxarır. Azərbaycan döyüşçüsü səhər saatlarında qeyri-bərabər döyüşdə qəhrəmancasına şəhid olur.
Bəli ,bu qəhrəmanlıq dastanını hər bir Azərbaycan vətəndaşı, qəlbində vətən- yurd sevgisi olan hər kəs bilməlidir. Borcumuz vətən uğrunda canlarını fəda edən igidlərimizin xatirəsini daim əziz və yüksəkdə tutmaqdır. Bu məqsədlə məktəbdə Mübariz İbrahimovun xatirəsinə həsr olunmuş "Vətən səni unutmadı " başlıqlı rəsm sərgisi keçirilmiş, siniflərdə Mübariz İbrahimovun həyatını əks elətdirən divar qəzetləri vurulmuşdur.
Sən rahat yat ,igidim - Vətən səni unutmadı.
