Gələcəyimiz üçün bir ağac əkək
Bakı şəhəri S. Abbasov adına 117 nömrəli tam orta məktəbin texnologiya fənnini tədris edən İranə və Əzizə müəllimlərin rəhbərliyi ilə 6 i sinif şagirdləri ”Gələcəyimiz üçün bir ağac əkək” devizi altında ekoloji durumun yaxşılaşdırılması, yaşıllıqların artırılması və ağac əkilməsinin təşviqi məqsədilə ətrafı zibildən və tullantılardan təmizləyib körpə tinglər əkiblər.
Müəllimlər ətraf mühitə qayğının artırılması, çirklənmənin qarşısının alınması yer kürəsinin bütün sakinlərinin borcu olduğunu bildiriblər. Məktəblilərə öncə ağac əkmə üsulları, ağaclara qulluq qaydaları izah edilib.
