Hesabat-seçki yığıncağı keçirildi
Yeni Azərbaycan Partiyası (YAP) Binəqədi rayon təşkilatının IX konfransının keçirilməsi ilə bağlı hazırlıq çərçivəsində ərazi ilk partiya təşkilatlarının hesabat-seçki yığıncaqları davam edir. Bu məqsədlə Yeni Azərbaycan Partiyası Binəqədi rayon təşkilatının Binəqədi rayonu, Azadlq prospekti 183 ünvanlı (115 saylı tam orta məktəb) ərazi ilk partiya təşkilatının hesabat-seçki yığıncağı keçirildi.İclası giriş nitqi ilə açan ərazi ilk partiya təşkilatının sədri Zahid Canayev gündəlikdə duran məsələlər barədə məlumat verərək ərazi ilk partiya təşkilatının hesabat dövrü ərzində görülən işlərin hesabatını diqqətə çatdırdı.Vüsar İsmayılov daha sonra Binəqədi rayon İcra Hakimiyyəti və YAP Binəqədi rayon təşkilatının 8 Mart Beynəlxalq Qadınlar Günü münasibətilə birgə təşkil etdiyi “Bəşəriyyətin tacıdır ana” adlı tədbirində 115 saylı tam orta məktəbin təqdim etdiyi kompozisiyanın yüksək səviyyədə təşkil olunduğuna görə əməyi keçən hər kəsə öz təşəkkürünü bildirdi və Binəqədi Rayon İcra Hakimiyyəti başçısının təşəkkür məktubunu məktəbin direktoruna təqdim etdi.
