"Gəlin heyvanları qoruyaq!" mövzusunda ingilis dili gecəsi
"Məktəbin illik fəaliyyət planı" na əsasən "1 İyun - Uşaqların Beynəlxalq Müdafiəsi Günü" nə həsr olunmuş silsilə tədbirlər keçirilir. Mayın 31- də məktəbimizdə kiçik sinif şagirdlərinin iştirakı ilə "Gəlin heyvanları qoruyaq!" mövzusunda ingilis dili gecəsi keçirildi. Tədbir ingilis dili müəllimi Aydınova Samirənin təşkilatçılığı ilə təşkil olunmuşdu. Şagirdlər ingilis dilində maraqlı şeirlər söyləyib, səhnəciklər göstərdilər. İngilis dilində oxunan mahnılar və ifa olunan rəqslər tədbiri daha da rəngarəng etdi. Şagirdlərimizin qrimlənməsində köməklik göstərdiyi üçün Nurlana müəlliməyə təşəkkürümüzü bildiririk!
