"Erkən nigahın fəsadları" mövzusunda tədbir
Fevralın 7-də məktəbimizdə "Erkən nigahın fəsadları" mövzusunda tədbir keçirildi. Tədbirdə Suraxanı rayon İcra Hakimiyyəti başçısının müavini Afət Həsənova, Ailə, Qadın, Uşaq Problemləri üzrə dövlət komitəsinin sədr müavini Sədaqət Qəhrəmanova, “Qadın və inkişaf" mərkəzinin sədri Şövkət Xanməmmədova, Rayon Ağsaqqallar Şurasının İdarə heyətinin üzvü Hacıbala Eyvazov və diğər ictimaiyyət üzvləri də iştirak etdilər. Qonaqlar öz məruzələri ilə çıxış etdikdən sonra şagirdləri maraqlandıran sualları cavablandırdılar. Görüş zamanı "Erkən nigahın fəsadları" nı özündə əks etdirən təqdimat da nümayiş olundu.
