Kollektivimizin daha bir uğuru!
Fevralın 2-də Beynəlxalq Mətbuat Mərkəzində böyük Azərbaycan şairi və dramaturqu Hüseyn Cavidin 135 illik yubileyi münasibətilə “Kaspi” Təhsil Şirkəti, “Kaspi” qəzeti, artkaspi.az mədəniyyət və ədəbiyyat portalının birgə təşkil etdikləri “Hüseyn Cavid – 135” şeir müsabiqəsinin mükafatlandırma və müsabiqəyə göndərilən poetik nümunələrdən ibarət antologiyanın təqdimat mərasimi keçirilib. Çox fərəhləndirici haldır ki, məktəbimizin ana dili müəllimi və şair İbrahimov İnqilab (İnqilab Orxan) bu müsabiqədə qalib gələrək diplom və pul mükafatı ilə təltif olunub. İnqilab müəllimi kollektivimiz adından qəlbən təbrik edir, daha böyük peşə və yaradıcılıq nailiyyətləri arzulayırıq!
