5 Oktyabr - "Müəllimlər Günü"
Oktyabr ayının 5-i həyatını xalqın işıqlı gələcəyinə həsr edən müqəddəs peşə sahiblərinin günüdür.Müəllimlik çətin, məsuliyyətli, eyni zamanda, şərəfli və müqəddəs bir peşədir. Müəllim insanı həyata hazırlayan, onun dünyagörüşünü, mənəvi dünyasını və ictimai-siyasi baxışlarını formalaşdıran müqəddəs varlıqdır. Xalqın tərəqqisi məktəbdən, məktəbin tərəqqisi isə müəllimdən başlayır.Bu gün məktəbimizin 6 "E" sinfinin şagirdləri müəllimlərini təbrik etmək üçün müəllimlər otağına toplaşdılar.Onların hazırladıqları kiçik kompozisiya bütün şagirdlər adından müəllimlərimizə hədiyyə oldu.Onlar kiçik qəlblərində qoruyub saxladıqları böyük arzuları və ürək sözlərini müəllimlərə sevə - sevə şeir və gül dəstələri ilə təqdim etdilər. Bütün kollektivimiz adından 6 "E" sinfinin şagirdlərinə və onların ana dili müəllimi Urfanə Vəliyevaya öz təşəkkürümüzü bildiririk. Bizlərə dəyər verdiyiniz üçün minnətdarıq!
