15- Sentyabr - "Bilik Günü"dür
Sentyabrın 15-də Azərbaycanın çoxmilyonlu təhsil ictimaiyyətinin bayramı, Bilik günüdür. Ölkəmizdə yeni dərs ili başlayır. Məktəbimizdə də "Bilik Günü" ilə əlaqədar təntənəli tədbir keçirildi.Tədbirdə Rayon İcra Hakimiyyəti başçısı İlqar Abbasov və Rayon İcra Hakimiyyəti başçısı aparatının məsul işçiləri Afət Həsənova və Barxudar Barxudarov iştirak etdilər. Rayon İcra Hakimiyyəti başçısı İlqar Abbasov tədbirdə Azərbaycan ordusunun 2016-cı il aprel döyüşlərində göstərdiyi qəhrəmanlıqlar və işğaldan azad olunmuş torpaqlarımıza qayıdışın rəmzinə çevrilən Cocuq Mərcanlı kəndi haqqında daha dolğun məlumatlar verilməsini təmin etmək məqsədilə ümumi təhsil müəssisələrində 2017-2018-ci tədris ilinin ilk dərs məşğələsinin cənab nazir Mikayıl Cabbarovun sərəncamı ilə “Cocuq Mərcanlı-tarixi qayıdışın başlanğıcı” mövzusuna həsr olunacağını vurğuladı. Məktəbimizin direktoru Ceyran xanım Novruzova bu il 600 dən çox bal toplamış şagirdlərimiz haqqında məlumat verdi və tələbə adı qazanmış bütün şagirdlərimizə uğurlar dilədi.Tədbir rəngarəng rəqslər,şagirdlərin ifasında şeir və mahnılarla yadda qaldı.
