Son zəng
Bu gün məktəbdə“Son zəng” çalınıb. Bu münasibətlə Suraxanı Rayon İcra Hakimiyyətinin başçısı Adil Əliyev və müavinləri 114 saylı tam orta məktəbdə keçirilən “Son zəng” tədbirində iştirak ediblər.
RİH başçısı Adil Əliyev çıxış edərək böyük arzuların, məsuliyyətlərin və fürsətlərin dolu olduğu həyata qədəm qoyan bütün məzunları təbrik edib, onlara uğurlar diləyərək gələcək həyatlarında qarşılaşacaqları çətinliklərə inam və əzmlə qalib gəlməyi arzulayıb.
Adil Əliyev qeyd edib ki, bu gün xalqımız möhtərəm Prezidentimiz cənab İlham Əliyevin rəhbərliyi ilə gələcək Azərbaycanı daha güclü, daha inkişaf etmiş və daha parlaq görür və o, gələcəyin qurucularının məhz bu günün gəncləri olacağına əminliyini vurğulayıb.
Tədbirdə iştirak edən Yeni Azərbaycan Partiyası Suraxanı rayon təşkilatının sədr müavini Salman Əbdülov, uzun illər 114 saylı tam orta məktəbin direktoru vəzifəsində çalışmış Ceyran Novruzova da məzunları təbrik ediblər.
Həmçinin, Suraxanı rayonunun digər məktəblərində də qeyd olunan “Son zəng” tədbirlərində Rayon İcra Hakimiyyəti Başçısı Aparatının məsul əməkdaşları iştirak edərək Rayon İcra Hakimiyyəti başçısının təbriklərini çatdırıblar. Tədbirdə şəhid Kirxlarov Nazimin anası iştirak edib.
