''Ağ ölümə yox deyirik''
11.04.2025-ci il tarixdə A.Səfərov adına 114 nömrəli tam orta məktəbdə X-XI sinif şagirdlərinin iştirakı ilə "Ağ ölümə kölə olma!" mövzusunda psixoprofilaktik tədbir keçirildi.
Tədbir himnin səslənməsi ilə başladı, Vətən uğrunda həlak olan şəhidlərimizin ruhu bir dəqiqəlik sükutla yad edildi.
Məktəbin direktoru Könül Hüseynova qonaqları təqdim etdi.
Tədbirdə Suraxanı Rayon Polis İdarəsinin İctimai Təhükəsizlik Şöbəsinin rəisi polis polkovnik-leytenantı Zaur Qədirov,
Suraxanı rayon İcra Hakimiyyətinin əməkdaşı Novruz Əhmədzadə,
Suraxanı Rayon Polis İdarəsinin Yetkinlik yaşına çatmayanlarla iş bölməsinin rəisi polis polkovnik-leytenantı Əfqan Ağayev,
Suraxanı Rayon Polis İdarəsinin 31-ci Polis Şöbəsinin rəis müavini polis polkovnik -leytenantı Elxan Bədəlov,
Suraxanı Rayon Polis İdarəsinin İctimai Təhlükəsizlik Şöbəsinin baş inspektoru polis mayoru Elsevər Qurbanov,
Yetkinlik yaşına çatmayanlarla iş bölməsinin inspektorları Əli Abbasov və İlahə Balayeva, məktəbin TTİDM Həmidov Rizvan, məktəbdənkənar və sinifdənxaric tərbiyə işləri üzrə təşkilatçı Ələskərova Nailə iştirak etmişdirlər.
Direktor Könül Hüseynova çıxışında vurğuladı ki, insanın seçimi öz əlindədir, gənclər zərərli vərdişlərə yox deməyi bacarmalıdır, sağlam həyat tərzi seçməlidir.
Suraxanı rayon İcra Hakimiyyətinin əməkdaşı Novruz Əhmədzadə gəncləri sağlam həyat tərzini seçməyin əhəmiyyəti haqqında danışdı.
Məktəbin psixoloqu Nağıyeva Ruhiyyə narkomaniyanın insan həyatında yaratdığı acı nəticələri haqqında danışdı, narkotiklərə aludə olan insanların ailələrin dağılması, cinayətə sövq etmə, faciəvi sonluq haqqında məlumat verdi.
Suraxanı Rayon Polis İdarəsinin Yetkinlik yaşına çatmayanlarla iş bölməsinin rəisi polis polkovnik-leytenantı Əfqan Ağayev
narkomaniya və cinayətkarlıq halları haqqında ətraflı məlumat verdi.
Suraxanı Rayon
Polis İdarəsinin İctimai Təhlükəsizlik Şöbəsinin rəisi polis polkovnik-leytenantı Zaur Qədirov maarifləndirici tədbirlərin əhəmiyyətini qeyd edib, şagirdlərə lazımı tövsiyələr verdi.
Mövzu ilə bağlı videoçarx, təqdimat nümayiş olundu.
