"Mənim hüquqlarım" mövzusunda sinif təşkilat saatı
Oktyabrın 16 - də məktəbin illik "Fəaliyyət planı" na uyğun olaraq texnologiya müəllimi Quliyeva Amaliya Uşaq hüquqları aylığı çərçivəsində 7 "ç" , və rus dili müəllimi Nəcəfova Gülər 6 "i" siniflərində "Mənim hüquqlarım" mövzusunda sinif təşkilat saatı təşkil ediblər.
Tədbirin keçirilməsində məqsəd təhsil müəssisələrinin pedaqoji və şagird kollektivinin uşaq hüquqları barədə məlumatlandırılması, uşaq hüquqları aylığı çərçivəsində insan hüquqlarını, hüquq bərabərliyi üzərində qurulmuş multikulturalizm dəyərlərini təbliğ edən mövzulara aid tədbirlərin təşkil edilməsidir.
Tədbirdə ölkəmizdə uşaqlara göstərilən dövlət qayğısından, ölkə Prezidentinin, habelə Birinci vitse-prezident, Heydər Əliyev Fondunun prezidenti xanım Mehriban Əliyevanın böyük diqqətindən söz açılaraq, insan hüquqlarının təmin olunmasına mühüm əhəmiyyət verildiyi barədə danışılıb, digər hüquqlarla yanaşı, uşaq hüquqlarının müdafiəsinə və təbliğinə yönəlmiş mühüm tədbirlərin həyata keçirildiyi, bu sahədə geniş miqyaslı işlərin görüldüyü haqqında məlumat verilib.
