Şəhidlər xiyabanına ziyarət.
20 Yanvar Azərbaycan tarixində təkcə faciə deyil, Azərbaycanın istiqlal yolunun ilk zirvəsi, milli məfkurəmizin azadlıq istəyinin oyanışı günüdür.Bu il xalqımız 20 Yanvar hadisələrinin 27-cü ildönümünü qeyd edir, igid övladlarının fədakarlığını məhəbbətlə xatırlayır, onların əziz xatirəsini böyük ehtiramla yad edir. Bakının ən möhtəşəm məkanında Vətən uğrunda canlarını qurban vermiş mərd, igid oğul və qızlarımızın uyuduğu Şəhidlər xiyabanı xalqımız üçün müqəddəs bir and yerinə, milli iradəmizin şanlı-şərəfli bir salnaməsinə çevrilib. Şəhidlərimiz və Şəhidlər xiyabanı azadlığımızın, müstəqilliyimizin, milli iradəmizin simvolu kimi bundan sonrakı nəsillərə də bir qürur mənbəyi olacaqdır."Məktəbin illik fəaliyyət planı"na əsasən 20 Yanvar faciəsinə həsr olunmuş silsilə tədbirlər davam edir. Məktəbimizin şagird və müəllim kollektivi bu gün Şəhidlər xiyabanında olmuş,şagirdlərimiz şəhidlərin məzarları önünə tər qərənfillər düzərək onların ruhlarına öz ehtiramlarını göstərmişlər.
