“Zəfər” məktəblilərarası I tarix olimpiadası qalibləri mükafatlandırılıb
Dekabrın 22 - də Bakı şəhəri üzrə ilk dəfə keçirilən “Zəfər” məktəblilərarası I tarix olimpiadası qaliblərinin mükfatlandırılma mərasimi keçirilib.
Tədbir Dövlət Himninin səsləndirilməsi və Vətən şəhidlərinin əziz xatirəsinin bir dəqiqəlik sükutla yad edilməsi ilə başlayıb.
Daha sonra şagirdlərin ifasında vətənpərvərlik mövzusunda şeirlər söylənib, mahnılar səsləndirilib, ədəbi-bədii kompozisiyalar nümayiş olunub.
Rəsmi hissədən sonra olimpiadanın yekununda qalib şagirdlərdən ibarət komandalar arasında “Kim? Nə? Harada?” intellektual oyunu təşkil olunub.
Oyunda ilk 3 yerə layiq görülən komanda diplomla təltif edilib.
Sevindirici haldır ki, məktəbin 10 a sinif şagirdi Daşdəmirova Fidan Fizuli qızı təltif olunan qaliblər slrasındadır. Fidan “Zəfər” məktəblilərarası I tarix olimpiadasında 1 - ci yerin qalibi olduğuna və yekununda qalib şagirdlərdən ibarət komandalar arasında “Kim? Nə? Harada?” intellektual oyununda da iştirak etdiyi komanda 2 - ci yerə layiq görüldüyünə görə diplomlarla və qiymətli hədiyyələrlə təltif olunub.
