"Azərbaycana qələbə yaraşır!" adlı Breyn - rinq psixo - intellektual bilik yarışması
Noyabrın 2 - də məktəbdə V a, V c, V ç, V d siniflər üzrə 8 noyabr - Zəfər Gününə həsr olunmuş "Azərbaycana qələbə yaraşır!" adlı Breyn - rinq psixo - intellektual bilik yarışması təşkil olundu. Məktəbin direktoru Ceyran xanım Novruzova qələbənin Azərbaycan xalqı üçün önəmli və qürurverici olduğunu vurğuladı. Himn səsləndirildi, şəhidlərimiz bir dəqiqəlik sükutla yad edildi. Beş raunddan ibarət olan yarış maraqla qarşılandı. Komandalar əzmlə yarışa qatıldılar. Yarış zamanı komandalara dəstək göstərən şagirdlərin ifasında vətən, torpaq sevgisini tərənnüm edən şeirlər, mahnılar səsləndirildi. Yarışda juri qismində "Məktəblinin dostu" layihəsinin əməkdaşları Mikayılova Azadə və Nəsirli Səbinə iştirak etmişdirlər.
