"Zəfər tarixi" adlı konfrans
Mayın 19 - da məktəbdə “Zəfər tarixi” konfranslarının keçirilməsi barəda tədbirlər planına əsasan "Zəfər tarixi" adlı konfrans keçirildi.
Konfransı giriş sözü ilə açan məktəbin direktoru Ceyran Novruzova qonaqları salamlamış və tədbirin mahiyyəti barədə məlumat verdi.
Konfransın 1-ci mərhələsində şagirdlərin təqimatında Azərbaycanın ərazi bütövlüyü uğrunda şücaət göstərərək Şəhidlik zirvəsinə ucalmış oğullarımız, o cümlədən Vətən müharibəsinin şəhidi Rüfət Əsgərov haqqında ətraflı məlumat verildi.
Vətən müharibəsinin şəhidi Rüfət Əsgərovun bizlərə əmanət qoyduğu övladı Xansuvar Əsgərov da atası ilə bağlı xatirələrini bölüşdü.
Daha sonra məktəbin akt zalında davam edən konfransın 2-ci mərhələsində məktəbin tarix müəllimi Rza Eyvazlının təqdimatında şagirdlərlə mövzu ətrafında fikir mübadiləsi aparıldı.
Həmçinin, Vətən Uğrunda Şəhid Ailələri və Milli Qəhrəmanlar İctimai Birliyinin şəhid mayor Rüfət Əsgərovun həyatına həsr olunmuş “Kəşfiyyatçının vəsiyyəti” filmi nümayiş olundu.
Sonda məktəbin şagirdlərinin ifasında Zəfər ruhlu bədii hissə təqdim edildi.
