"Qış nağılı" tədbir
Dekabrın 30 - da məktəbdə 31 dekabr Dünya Azərbaycanlılarının Həmrəylik günü və Yeni İl münasibəti ilə "Qış nağılı" adlı tədbir keçirildi. Tədbir məktəbdə tədris olunan xarici dillər - ingilis, rus, fransız və doğma ana dilimizdə təşkil olunmuşdur. Tədbirin ərsəyə gəlməsində məktəbin rus dili müəllimi və TiDM Ələsgərova Nailə, ingilis dili müəllimi Cabarova Gülşən və fransız dili müəllimləri Rüstəmova Şirinxanım və İsmayılova Ülkərin böyük əməyi olmuşdur.
Tədbir Vətən Müharibəsi şəhidlərinin və Ulu Öndər Heydər Əliyevin əziz xatirələrinin bir dəqiqəlik sükutla yad edilməsi ilə başlamışdır. Daha sonra məktəbin müəllim-şagird heyətinin 31 dekabr Dünya Azərbaycanlılarının Həmrəylik günü və Yeni İl münasibəti ilə hazırladığı bədii hissə qonaqlara təqdim olundu. Məktəbin direktoru Ceyran Novruza 44 günlük şanlı zəfərimizin əldə olunmasında yetişən gəncliyin rolundan bəhs edərək demişdir ki, orta məktəblərdə vətənpərvərlik ruhunda keçirilən bədii-kütləvi tədbirlər böyük əhəmiyyətə malikdir.
Tədbirdə qonaq qismində Yeni Azərbaycan Partiyası Suraxanı rayon təşkilatının sədri Vüqar Seyidov, təşkilatın nümayəndələri, Suraxanı Rayon İcra Hakimiyyəti başçısının aparatının şöbə müdiri Sevinc Ağayeva və Suraxanı rayon təhsil ictimaiyyətinin bir qrup nümayəndəsi iştirak etmişdir.
Yeni Azərbaycan Partiyası Suraxanı rayon təşkilatının sədri Vüqar Seyidov məktəb kollektivinə həm nümunəvi çıxışları, həm də məktəblilərin, gənclərin vətənpərvər ruhda tərbiyəsi istiqamətində yorulmaz fəaliyyətlərinə görə öz dərin minnətdarlığını bildirdi.
