MƏİŞƏT ZORAKILIĞININ QARŞISININ ALINMASI İLƏ BAĞLI MAARİFLƏNDİRİCİ GÖRÜŞ
MƏİŞƏT ZORAKILIĞININ QARŞISININ ALINMASI İLƏ BAĞLI MAARİFLƏNDİRİCİ GÖRÜŞ
29 mart 2024-cü il tarixində Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən Akademik Xoşbəxt Yusifzadə 112 nömrəli tam orta məktəbdə məişət zorakılığı ilə bağlı maarifləndirmə tədbiri keçirildi.
Təqdimatlarda İSİM-in əməkdaşları Afət Məmmədova və Pərvin Quliyeva çıxış etdilər.
Görüşdə məruzəçilər məişət zorakılığının subyektləri, cəmiyyətdə və məişətdə qadın zorakılığı, zorakılığın formaları, erkən və məcburi nikah barədə ətraflı məlumat verdilər. Həmçinin məişət zorakılığının tibbi-psixoloji nəticələri izah edildi və qarşısının alınması üçün zəruri addımlara nəzər yetirildi.
Mövzu ilə əlaqədar slaydlar maraqla qarşılandı. İnteraktiv şəkildə qurulan təqdimatların sonunda müəllim kollektivinə İSİM tərəfindən hazırlanmış maarifləndirmə materialları paylanıldı.
