112 №-li tam orta məktəb

Məktəbimizdə 14 Fevral
"Bəynəlxalq Kitab Bağışlama Günü " ilə əlaqədar tədbir keçirildi.
I "Ç" sinif şagirdləri məktəb kitabxanası ilə tanış oldular. Sinif rəhbəri Məmmədova Aynur şagirdlərə kitabxana haqqında məlumat verdi.Kitabxanada olan nağıl kitablarını şagirdlərə nümayiş etdirdi.
Şagirdlər oxuduqları kitabları yoldaşlarına və kitabxanaya bağışladılar.

Məktəbimizin kitabxanaçılarının təşkilatçılığı , Azərbaycan dili və ədəbiyyat müəllimi Mirzəyeva Şəntürkün rəhbərliyi ilə keçirilən
"Qəhrəmanlarımız bədii əsər və kinofilmlərdə" adlı seminarda VI sinif şagirdləri iştirak etdilər.
Tədbiri giriş sözü ilə açan Ş.Mirzəyeva "Ən çox sevdiyim bədii"qəhrəman mövzusunda diskussiya apardı. Bundan əlavə şagirdlər kinofilmlərdən və bədii əsərlərdən tanıdıqları qəhrəmanların uşaqlıqdan bəri onların sevimlisinə çevrildiyini, qəhrəmanların nümunəvi addımlarının onların gələcək həyatlarına müsbət təsir etdiyini bildirdilər.
Sonda kitabxana müdiri Hacıyeva Mətanət şagirdlərə asudə vaxlarında mütaliə etmək üçün kitablar təklif etdi.
Şagidlər oxuduğu bədii kitablardan bir çoxunu kitabxanaya hədiyyə etdi.

4 Fevral 2020-ci il tarixdə məktəbimizdə 4 nömrəli Valideyn - Müəllim - Assosasiyasının siniflər üzrə nümayəndələri məktəb direktoru Babayeva Xədicə, VMA prezidenti Sərxan Şahverdiyev tərəfindən mükafatlandırıldı. Mükafatlandırmaya I yarım il üzrə maliyyə hesabatların düzgün, vaxtında yerinə yetirən, məktəblə yaxından əlaqədə olan VMA sinif nümayənləri layiq görülmüşdür. Bütün valideynlərimizə uğurlar diləyir , gələcək mükafatlandırmada digər valideynlərimizi görməyi arzu edirik.

4 Fevral 2020-ci il tarixdə məktəbimizdə məktəb rəhbərliyi, "Kiçik Akademiya", "Valideyn - Müəllim - Assosasiyası" nın təşkilatçılığı ilə təltifetmə mərasimi keçirildi. Mərasim Azərbaycan Respublikasının Dövlət Himni ilə başlandı. Ardınca KA və VMA prezidenti Sərxan Şahverdiyev 2 nominasiya üzrə təltifetmə apardı. I nominasiya üzrə KA və VMA-nın I yarım il üzrə işlərində fərqləndiyini görə, II nominasiya isə VMA - nın təşkilatçılığı ilə keçirilən" İlin Ən Yaxşı Müəllimi "müsabiqəsi üzrə idi. I nominasiya üzrə müəllimlərdən - Abdullazadə İlahə, Əliyeva Vüsalə, Ağazadə Mətanət, Quliyeva Şahnaz, şagirdlərdən - Zamanova Arzu, Abbaslı Səma təltif olundu. II nominasiya üzrə Adıgözəlova Mənsurə, Kərimova İradə, Mirzəyeva Şəntürk, Rəcəbova Elnarə, Mustafayeva Lətifə təltif olundu. Bir daha məktəb rəhbərliyi adından müəllimlərimizi və şagirdlərimizi təbrik edir, onlara işlərində müvəffəqiyyətlər arzu edirik.

3 Fevral 2020-ci il tarixdə məktəbimizdə VIII-X siniflərin iştirakı ilə "Gənclər bizim gələcəyimizdir" adlı tədbir keçirildi. Tədbir Azərbaycan Respublikasının Dövlət Himni ilə başlandı. Tədbiri açıq elan edən VMA və KA prezidenti Sərxan Şahverdiyev qeyd edib ki, dövlət gənclər siyasəti Ümummilli Lider Heydər Əliyevin Azərbaycana rəhbərlik etdiyi ilk illərdən başlayaraq daim aparıcı istiqamətlərdən biri olub. Əsası Ulu Öndər tərəfindən qoyulmuş gənclər siyasəti ölkə başçısı İlham Əliyev cənabları tərəfindən uğurla həyata keçirilməklə, yeni bir mərhələyə qədəm qoymuşdur. S.Şahverdiyev bildirib ki, gəncliyin potensialından xalqın rifahı və ölkəmizin dayanıqlı inkişafı üçün səmərəli istifadə etmək məqsədilə 2017-ci il 15 sentyabr sərəncamı ilə "Azərbaycan gəncliyi 2017-2021-ci illərdə" Dövlət Proqramının qəbul edilməsi, 2020-ci ilin "Könüllülər ili" elan edilməsi bariz nümunələrdəndir. Sonda S.Şahverdiyev gənclərimizi bir daha təbrik edərək, onlara təhsillərində və fəaliyyətlərində uğurlar arzu edib. Tədbir gənclər siyasəti ilə bağlı olan video çarxla sonlandı.