329 №-li tam orta məktəb

 Səbail rayon İcra Hakimiyyəti tərəfindən keçirilən "Heydər Əliyev və Azərbaycan tarixi" adlı referat-yazı müsabiqəsində yarımfinal mərhələsinə yüksəldiyi üçün məktəbin 9-cu sinif şagirdi Sultanov Adəm fəal iştirakına görə təşəkkürnamə ilə təltif olunub. Məktəbin direktoru Elnur Mirzəyev  final mərhələsində Adəmə uğurlar arzuladı. Bu uğurda Adəmə dəstək olan elmi rəhbəri Nuriyyə Nuruyevaya  təşəkkürünü bildirdi.

  25.04.2024-cü il tarixdə məktəbin Azərbaycan dili və ədəbiyyat müəllimi Vüsalə Verdiyevanın təşkilatçılığı ilə IX sinif şagirdləri ilə Məhəmməd Füzulinin həyat və yaradıcılığı ilə bağlı görüş keçirildi. Görüşdə Azərbaycanın dahi şairi M. Füzulinin həyatına nəzər salındı və bu mövzu haqqında geniş məlumat verildi. Şairin qəzəllərinin bir qismi  dinlənildi,orda ifadə olunan fikirlərə diqqətə çatdirildı.

 24.04.2024-cü il tarixində məktəbin həyətində fənn aylığı ilə əlaqədar 5a sinfi ilə “Gedilən yol və zaman” mövzusunda riyaziyyat və fiziki tərbiyə fənnlərindən inteqrativ dərs təşkil olundu.

  23.04.2024-cü il tarixdə Azərbaycan dili və ədəbiyyat müəllimi Ə.Gülnar müəllim 6 a sinfində ədəbiyyat dərsini Məhəmməd Füzulinin yaradıcılığına həsr etdi.Şagirdlər şairin həyat və yaradıcılığı haqqında və meyvələr haqqında məlumat verdilər və “Meyvələrin söhbəti poemasını canlandırdılar.

  Məktəbin 10-cu sinif şagirdi Bayramlı Üzeyir "Technest" milli təqaüd proqramı çərçivəsində "Proqramlaşdırma üzrə beynəlxalq olimpiadalara hazırlıq sisteminin yaradılması" layihəsinin 14 aprel 2024-cü il tarixdə keçirdiyi "Bebras İnformatika və Alqoritmik düşüncə müsabiqəsi"nin 2024-cü il üzrə Final mərhələsində 1-ci yerə layiq görülüb. Məktəbin direktoru Elnur Mirzəyev Üzeyiri təbrik edərək ona uğurlar arzulayıb.