135 №-li tam orta məktəb

         Böyük Vətən müharibəsi illərində Azərbaycan xalqı həm ön, həm də arxa cəbhədə çox böyük qəhrəmanlıq və şücaət göstərmişdir. Hər il 9 May - faşizm üzərində Qələbə günü kimi qeyd olunur. Bu qələbə heç də asan başa gəlməyib. Yüzlərlə, minlərlə həmvətənlərimiz bu qələbə naminə canlarından keçiblər. Onlar doğma Azərbaycanın hüdudlarından çox-çox uzaqlarda mərdliklə, hünərlə vuruşaraq Azərbaycan torpağını qoruyublar. Müharibədə Azərbaycanın 600 mindən çox oğul və qızının amansız düşmənlə döyüşlərdə göstərdikləri misilsiz şücaət və igidlik, arxa cəbhədə çalışanların isə əmək rəşadəti dillər əzbəridir və bugünki nəsillər üçün daim örnək olaraq qalacaqdır.

Mayın 8-də 135 nömrəli məktəbdə 9 May Qələbə gününə həsr edilmiş "Ömür salnaməsinin 79 ili" adlı tədbir keçirilmişdir. Tədbiri məktəbin kitabxana müdiri N.Hacıyeva təşkil etmişdir. Tədbirdə məktəbin tarix müəllimi K.Abbasova çıxış etmişdir.

       Mayın 6-da məktəbin psixoloqu Günay müəllim 7b sinif şagirdləri ilə "Bullinq nədir?" mövzusunda maarifləndirici görüş keçirmişdir. Görüşdə şagirdlərə bullinqin növləri, bullinqdən qorunmağın yolları və s. haqqında geniş məlumat verilmiş, şagirdlərə video slayd nümayiş etdirilmişdir.

       Mayın 2-də "Sənaye və İnnovasiyalar üzrə Bakı Dövlət Peşə Təhsil Mərkəzi" nin nümayəndələri məktəbimizdə şagirdlərlə görüş təşkil etmişlər. Görüşdə məktəbin 9-cu sinif şagirdləri iştirak etmişlər. Tədbirdə əsasən sənaye, texnologiya, emal, tikinti kimi sahələri əhatə edən ixtisaslara dair maarifləndirmə söhbəti aparılmış və peşə təhsili ilə bağlı karyera məsləhəti, uğur hekayələri bölüşülmüşdür.

        Mayın 1-də məktəbimizdə tədris ili boyunca davam edən növbəti pedaqoji şura iclası keçirilmişdir. Şuranın gündəliyinə bu məsələlər daxil edilmişdir: Şagird davranış qaydalarına nəzarət şurasının hesabatı, Sertifikatlaşmaya gedən müəllimlər barədə fəaliyyət, təlim və seminarlarda iştirak edən müəllimlərin çıxışı, TKTA müşahidə komandasının fəaliyyətinin hesabatı, ibtidai siniflərdə tədrisin vəziyyəti hasabatı, müəllim davranış qaydalarının qəbuluna hazırlıq.

      Mayın 1-də Dənizkənarı Bulvar İdarəsi Dövlət Bayrağı Muzeyinin əməkdaşları məktəbimizin şagirdləri ilə görüş keçirmişlər. Tədbirdə muzeyin Ekspozisiya və Elmi Tədqiqatlar Şöbəsinin baş elmi işçisi Ülviyyə Azayeva, direktor müavini Cəfərli Vüsal iştirak etmişlər. Ülviyyə xanım təqdimatla çıxış edərək bayrağımız haqqında şagirdlərə geniş məlumat vermiş və onları maraqlandıran sualları cavablandırmışdır.