“Şirvanşahlar Saray Kompleksi”ndə açıq dərs
21.11.2017-ci il tarixində Texniki –Humanitar liseyin tarix müəllimi Mustafayeva Nüşabə 5ç sinif şagirdlərinə “Uzunömürlü dövlət-Şirvanşahlar” mövzusundakı dərsi “Şirvanşahlar Saray Kompleksi Dövlət –tarixi memarlıq qoruğu”nda tədris etdi. Dərs şagirdlərin Şirvanşahlar sarayı, onun tarixi haqqında söylədikləri fikirlərlə başladı. Daha sonra Mustafayeva Nüşabə saray divanxanası, məscidlər, Şirvanşahlar türbəsi, saray hamamının tarixi haqqında ətraflı məlumat verdi və əyani şəkildə muzeydəki tarixi abidələri şagirdlərə göstərdi. Kitablardan saraylar, abidələr haqqında öyrəndikləri məlumatları onlara toxunaraq danışmaq, qala divara baxaraq onun haqqında sual vermək şagirdlər üçün olduqca maraqlı dərs və təcrübə idi.
Sonda Mustafayeva Nüşabə şagirdlərə “Şirvanşahlar Sarayı” mövzusunda esse yazdılar.
