Pedaqoji Şura
Məktəbdə Pedaqoji Şuranın iş planına uyğun olaraq növbəti iclası keçirilmişdir. İclası açıq elan edən məktəbin direktoru Arzu Nəzərova çıxış edərək I yarımilin yekunlarına dair hesabat və II yarımildə qarşıda duran vəzifələri iclas iştirakçılarına bildirmisdir.
Pedaqoji şurada aşağıdakı məsələlər də müzakirə olunmuşdur:
-Təhsilalanlar arasında risk qrupuna daxil olanların müəyyənləşdirilməsi, məktəb psixoloqunun onlarla apardığı işin gücləndirilməsi;
-Təhlükəsizliyi təmin etmək üçün nəzarətin, növbətçiliyin gücləndirilməsi;
-Şagirdlərin qadağan olunmuş əşyaları məktəbə gətirməmələri ilə bağlı nəzarətin gücləndirilməsi; -Müəllimlər və şagirdlərlə psixoloji maaarifləndirmə işinin gücləndirilməsi;
-Valideynlərlə işin artırılması;
- Sinif rəhbərlərinin vəzifə öhdəlikləri ilə bağlı işinə nəzarətin artırılması və etik davranış qaydalarına görə müəllimlər arasında rəğbətləndirmə tədbirlərinin tətbiq olunması;
-Fövqəladə hallarla bağlı təhlükəsizlik qaydalarına riayət edilməsinə dair tədbirlərin keçirilməsi;
Sonda təhsilin keyfiyyətinin artırılması istiqamətində görüləcək işlər, dərsə davamiyyət, keçirilmiş monitorinqlərin nəticələri haqqında müzakirələr aparılmış, müəllimlərə müəyyən tövsiyələr verilmişdir.
