“Beynəlxalq Uşaq Kitabı Günü” münasibətilə “Kitab mənim dostumdur!” mövzusunda tədbir keçirilmişdir
Məktəbdə “Beynəlxalq Uşaq Kitabı Günü” münasibətilə “Kitab mənim dostumdur!” mövzusunda tədbir keçirilmişdir. Şagirdlərlə görüşə AYB-nin və AJB-nin üzvü Təranə Cəbiyeva dəvət olunmuşdu. Tədbiri giriş sözü ilə məktəbin ana dili və ədəbiyyat müəllimi Xatirə Təhməzova açaraq, yazıçı-jurnalist Təranə Cəbiyevanın ədəbi yaradıcılığı, müəllifi olduğu kitablar haqqında məlumat verdi. O, kitabın şagirdlərdə mütaliə mədəniyyətinin formalaşdırılmasında əvəzsiz xidmətini də qeyd etdi.
Yazıçı-jurnalist Təranə Cəbiyeva çıxış edərək, görüşə dəvət edildiyinə görə məktəbin direktoru Elmira Ələkbərovaya təşəkkür etdi. O, gənc oxucularını salamlayaraq, onları 2 Aprel “Beynəlxalq Uşaq Kitabı Günü” münasibətilə təbrik etdi. Təranə Cəbiyeva kitab oxumağın insanda məntiqi düşüncəyə, zehni inkişafa yol açdığını söylədi.
Görüşdə yazıçı-jurnalist Təranə Cəbiyeva şagirdlərin suallarını dolgun cavablandıraraq, müəllifi olduğu kitablar haqqında məlumat verdi.
Bundan başqa məktəbin foyesində ibtidai sinif şagirdlərinin iştirakı ilə sehrli nağıl qəhrəmanlarının paradı keçirilmişdir.
