"Əlifba bayramı"
“Əlifba bayramı” hər bir uşağın həyatında əlamətdar bir hadisədir. Birincilər bu gün həyatda ən vacib addımlardan birini atırlar. Onlar artıq hərfləri tanıyır və sərbəst oxuyurlar. Bu münasibətlə məktəbin 1 "b "sinfində əlifbanı uğurla bitirdiklərinə görə əlifba bayramı keçirilmişdir. Açılış birincilərin ifasında Azərbaycan Respublikasının Dövlət himni ilə başladı. Daha sonra birincilər şeirlər söylədilər, mahnılar oxudular, Əlifba bayramı üçün hazırladıqları səhnələri “Turpun nağılı”, “Tıq-tıq xanım” oynayaraq tədbiri dahada rəngarəng etdilər . Kiçik səhnəciklərlə öz məharətlərini göstərdilər, ən başlıcası, milli rəqslərimizlə yanaşı, dünya xalqlarının bir neçə rəqsini də ifa etdilər. Tədbir məktəbin ibtidai sinif müəllimi Rəhimova Zəlihə tərəfindən hazırlanmışdır.
