Xocalı soyqırımının iyirmi altıncı ildönümü ilə əlaqədar “Ana harayı” adlı tədbir keçirilib
Məktəbin illik fəaliyyət planının 1.3.6-cı bəndinə əsasən şagirdləri vətənə məhəbbət ruhunda tərbiyə etmək, onlarda vətənpərvərlik hissinin yüksəldilməsinə nail olmaq, milli qəhrəmanlarımız, işğal altında olan torpaqlarımız, maddi mənəvi sərvətimiz haqqında şagirdləri məlumatlandırmaq məqsədilə Xocalı soyqırımının iyirmi altıncı ildönümü ilə əlaqədar “Ana harayı” adlı tədbir keçirilib. “Ana harayı” adlı mövzusunda keçirilmiş tədbir Suraxanı rayon İcra Hakimiyyəti, 87 nömrəli tam orta məktəb və 327 nömrəli tam orta məktəblə birgə təşkil olunmuşdur. Tədbirdə Xocalı sakinləri ilə iştirak etmişdirlər.
Şagirdlər Xocalı faciəsinin ağrılarını, düşmənə qarşı nifrət hislərini vətənpərvərlik ruhunda səsləndirdikləri şeirlər, mahnılar, işğal olunmuş torpaqlarımız və uğurlarımız haqqında ədəbi-bədii kompozisiyalar vasitəsilə ifadə ediblər. “Dədə Qorqud” dastanından – Burla Xatunun oğlu ilə dialoqu səsləndirilib. Tədbirdə Xocalı faciəsində törədilən vəhşilikləri əks etdirən videoçarx nümayiş olunub, əl işləri və rəsmlərdən ibarət sərgiyə baxış keçirilib.
