Zəfər Gününə həsr olunmuş ədəbi-bədii kompozisiya keçirildi
Məktəbin Fəaliyyət planına uyğun olaraq şagirdlərdə dövlət rəmzlərinə, vətənpərvərlik, milli mənəvi dəyərlərimizə hörmət hissinin aşılanması, tarixi hadisələrə düzgün rəy vermək bacarığının formalaşdırılması, xalqımızın qəhrəmanlıq salnaməsinin təbliği, tariximizin şanlı səhifələrinə həsr olunmuş tədbirlərin keçirilməsi məqsədilə və "8 Noyabr Zəfər Gününün keçirilməsi" barədə BŞTİ-nin müvafiq əmrinə əsasən məktəb üzrə əmrlə Tədbirlər Planı hazırlanıb təsdiq edilmişdir. Tədbirlər planına uyğun olaraq noyabrın 7-də Yeni Azərbaycan Partiyası Suraxanı Rayon Təşkilatı və 87 nömrəli məktəbin birgə təşkilatçılığı ilə "Zəfər Günü" nə həsr olunmuş “Dəmir Yumruğun Zəfəri” adlı ədəbi-bədii kompozisiya keçirildi. Kompozisiyada Şəhid ailələri , qazilər və rayon ictimaiyyəti iştirak edirdilər. Tədbirdə şagirdlərin ifasında maraqlı çıxışlar oldu.
