Müstəqilliyimiz əbədidir
18.10.2019-cu il tarixdə məktəb-lisey üzrə ilk dərslərdə şagirdlərə Azərbaycan Dövlətinin Müstəqillik günü ilə bağlı ətraflı məlumat verildi. İstedadlı şagirdlərin hazırladığı sinif divar qəzetlərdən ibarət sərgi təşkil olundu. Məktəbin akt zalında Uşaq Birliyi Təşkilatının "Müstəqilliyimiz əbədidir" mövzusunda tədbir keçirildi. Tədbirdə məktəb rəhbərliyi, müəllim və şagirdlər iştirak etdi. Tarix müəllimi Natavan Mustafayeva çıxış edərək müstəqilliyimizin tarixi haqqında ətraflı məlumat verdi.
Tədbirin bədii hissələrində UBT üzvləri maraqlı təqdimatlarını, vətənpərvərlik duyğularını, vətənə olan sevgilərini tərənnüm etdilər. Sonda məktəb-liseyin direktoru A.Bayramova çıxış edərək şagirdləri hər zaman vətənpərvər olmağa, dövlətimizi qorumaq üçün elmə üstünlük verməyə səslədi.
