OCEP-2019
22.05.2019-cu il tarixdə 83 nömrəli məktəb-liseyin bir qrup şagirdi ilə İsrail dövlətinin "Oded Highs School" məktəbi arasında SKYPE vasitəsi ilə tele canlı bağlantı keçirildi. Canlı bağlantı "18 May - Beynəlxalq Muzeylər Günü"nə həsr edilmişdi. Hər iki təhsil müəssisəsinin şagirdləri Azərbaycan və İsrail dövlətləri haqqında məlumatları paylaşdılar. Şagirdlər sosial həyat, təhsil, mədəniyyət, idman sahələrində onları maraqlandıran suallar ətrafında maraqlı diskussiya apardılar. Görüşün təşkilində məktəb-liseyin təlim-tərbiyə işləri üzrə direktor müavini Sevinc Raziyeva və ingilis dili müəllimi Səbinə Eminova fəallıq göstərmişlər. Məktəb-liseyin direktoru Nəbi Mahmudov OCEP çərçivəsində keçirilən tədbirlərin əhəmiyyətini vurğuladı, müəllim və şagirdlərə təşəkkür etdi.
