Kimya möcüzələr yaradır
17 may 2019-cu il tarixdə məktəb-liseydə "Kimya möcüzələr yaradır" mövzusunda "GECƏ" keçirilmişdir. Gecədə Binəqədi Rayon İcra Hakimiyyəti başçısının müavini Aygün Əliyeva, AMEA-nın Akademik Yusif MƏmmədəliyev adına Neft və kimya prosesləri İnstitutunun direktoru akademin Vaqif Abbasov, ADPU-nun kafedra müdiri Reyhan Ağayeva, ADPU-nun məktəb-liseydə pedaqoji təcrübə keçən tələbələri, şagirdlər, valideynlər, müəllimlər iştirak etmişlər. Tədbirdə "Azərbaycan Respublikasının Dövlət Himni" səsləndi. Şagirdlər kimyəvi reaksiyaları nümayiş etdirdilər. Onlar şeirlərdən parçalar, musiqi və rəqs nömrələri ifa etdilər. Akademik Vaqif Abbasov şagirdlərin fəaliyyətini yüksək qiymətləndirdi, onlara müvafiq tövsiyələrini verdi. Akademikin məsləhətləri şagirdlər, valideynlər tərəfindən alqışlarla qarşılandı. Tədbirin sonunda məktəb-liseyin direktoru Nəbi Mahmudov tədbir iştirakçılarına təşəkkür etdi, Hörmətli akademik, BÖYÜK İNSAN, müəllimlərin, tələbələrin və şagirdlərin dostu Vaqif Abbasova gecədə iştirakına, dəyərli məsləhətlərinə görə minnətdarlığını bildirdi.
