Tədbir keçirilmişdir.
27.02.2019-cu il tarixdə 83 nömrəli məktəb-liseydə şagirdlərin Azərbaycan coğrafiyası üzrə praktik bilik vəbacarıqlarının, məlumatlılıq səviyyəsinin təkmilləşdirilməsi və genişləndirilməsi məqsədi ilə onların yaşadıqları ərazinin tarixi, flora və faunası, mədəniyyət abidələri ilə bağlı məlumatların toplanması və ümumiləşdirilməsi ilə əlaqədar olaraq məktəb-liseyin coğrafiya müəllimləri Məlahət Teyli və Səidə Məmmədovanın rəhbərliyi ilə "Abşeron" adlı tədbir keçirilmişdir. Tədbirdə şagirdlər Abşeron, o cümlədən Binəqədi rayonunun ərazisində yerləşən palçıq vulkanları, qalalar, atəşgahlar, yanardağ və sair haqqında ətraflı məlumat vermişlər. Məktəb-liseyin direktoru tədbiri hazırlayanlara təşəkkür etmiş, onların əməyini yüksək qiymətləndirmişdir. Tədbir milli musiqi nömrələri ilə davam etmişdir.
