"29 il Şəhidlik zirvəsində"
22 yanvar 2019-cu il tarixdə 20 yanvar faciəsinin 29-cu ildönümünə həsr edilmiş "29 il Şəhidlik zirvəsində" adlı ədəb-bədii tədbir keçirilmişdir. Tədbirin aparıcıları 29 il bundan əvvəl Azərbaycan vətəndaşlarının haqq səsini boğmaq istəyən sovet imperiyasının dinc əhaliyə - "öz vətəndaşlarına" qarşı həyata keçirdiyi cinayətkar əməllər barədə məlumat vermişlər. Şagirdlərin ifasında silahsız insanların - qocaların, qadınların, uşaqların gülləbaran edilməsi səhnəcikləri nümayiş etdirilmişdir. Tədbirdə məktəb-liseyin direktoru Nəbi Mahmudov çıxış etmiş, Ümummilli lider Heydər Əliyevin 21 yanvar 1990-cı ildə Azərbaycanın RF-dakı səfirliyinə gəlməsi və Böyük Azərbaycanlı, Böyük Vətəndaş olaraq çıxışını diqqətə çatdırdı. O, sonda tədbirin təşkilatçılatın və şagirdlərə təşəkkürlərini bildirdi.
