Təbiət və biz
26.10.2018-ci il tarixdə 83 nömrəli məktəb-lisey Uşaq Birliyi Təşkilatının "Yaşıl dünya" istiqaməti üzrə üzvlərindən ibarət 4 komanda arasında ekologiyaya dair bilik yarışı keçirilmişdir. Komandalar özlərini, hazırladıqları video-çarxları təqdim etmiş və 3 mərhələdə sualları cavablandırmışlar. Münsiflər heyətinin qiymətləndirmələrinə əsasən "Xeyirxahlıq" komandası I, "Vətən" komandası II, "Uğur" komandası III dərəcəli diplomlarla, "Ədalət" komandası isə Sertifikatla təltif olunmuşdur. Məktəb-liseyin direktoru Nəbi Mahmudov çıxış edərək komandaları təbrik etmiş, tədbirin təşkilatçısı UBT rəhbəri Səyyarə Alıyevaya və biologiya müəllimi Afət Bağırovaya təşəkkürlərini çatdırmış, Səyyarə Alıyevanın əməyini yüksək qiymətləndirmiş və ona Sertifikat təqdim etmişdir.
