Yubiley tədbiri keçirilmişdir.
23.10.2018-ci il tarixdə 83 nömrəli məktəb-liseydə “Kiçik Akademiya”nın təşkilatçılığı ilə Azərbaycan Xalq Cümhuriyyətinin yaranmasının 100, Dövlət Müstəqilliyi haqqında Konstitusiya Aktının qəbul edilməsinin 27 və Azərbaycan Respublikası Müharibə, Əmək və Silahlı Qüvvələr Veteranları Təşkilatının yaranmasının 30 illik yubileyi münasibəti ilə “Dəyirmi masa” keçirilmişdir. Tədbiri giriş sözü ilə “Kiçik Akademiya”nın prezidenti, 9-cu sinif şagirdi Əsmər Sadıxova açıq elan etdi. Azərbaycan Respublikasının Dövlət Himnini şagirdlər canlı ifa etdilər. Məktəb-liseyin direktoru Nəbi Mahmudov tədbirdə iştirak edən qonaqları – Binəqədi RİH-in şöbə müdirinin müavini Şəmsi Güləliyevi, Azərbaycan Veteranlar təşkilatının şöbə müdirləri, ehtiyatda olan polkovnik Adil Haqverdiyevi, İsmayıl İsmayılovu, Veteran qəzetinin baş redaktoru Nəbi Hacıyevi, AVT Binəqədi rayon təşkilatının sədri, ehtiyatda olan polkovnik Telman Hətəmovu “Dəyirmi masa” iştirakçılarına təqdim etdi. Akademiyanın vitse-prezidenti Əsmər İslam “AXC-nin yaranması və Dövlət Rəmzləri” haqqında yığcam məlumat verdi. Akademiyanın bölmə rəhbərləri Ayla Əbilova “Bayraq”, Həyat Namazova “Gerb”, Aytən Mehdizadə Himn”, Kamilə Quliyeva “Müstəqilliyimiz əbədidir”, Xumar Mirzəyeva "Azərbaycan Xalq Cümhuriyyəti" mövzularında təqdimatlarla çıxış etdilər. Təqdimatlarda şərqdə ilk müsəlman dövlətinin - AXC-nin yaranması, onun 23 aylıq fəaliyyəti, dövlət atributlarının qəbul edilməsi ilə bağlı həyata keçirilən tədbirlər, Dövlət Müstəqilliyinin bərpası, Ulu öndərin Azərbaycanın dövlət müstəqilliyinin dönməz, daimi və əbədi olmasının təmin edilməsində əvəzsiz rolu, Onun siyasətinin cənab İlham Əliyev tərəfindən uğurla davam etdirildiyi, bu sahədə Heydər Əliyev Fondunun Prezidenti, birinci xanım Mehriban Əliyevanın çoxşaxəli yorulmaz fəaliyyəti yüksək qiymətləndirildi.
Dəyirmi masada AVT-nin şöbə müdiri, Adil Haqverdiyev, AVT Binəqədi rayon təşkilatının sədri Telman Hətəmov, Binəqədi RİH-in müdir müavini Şəmsi Güləliyev çıxış edərək “Kiçik Akademiya”nın üzvlərinin təqdimatlarını yüksək qiymətləndirdilər, şagirdlərə və pedaqoji kollektivə daha böyük uğurlar qazanmağı arzuladılar. Tədbirin sonunda Adil Haqverdiyev AVT-nin rəhbərliyi adından məktəb-liseyin təlim-tərbiyə işləri üzrə direktor müavini Sevinc Raziyevaya, tərbiyə işləri üzrə direktor müavini Aybəniz Əliyevaya,ibtidai sinif müəllimi Həyat Miriyevaya, şagirdlərdən – Əsmər Sadıxovaya, Əzim Niyazova, Fidan Mahmudluya Fəxri-Fərmanları təqdim etdi. Məktəb-liseyin direktoru Nəbi Mahmudov isə “Veteran hərəkatında fəal iştirakına görə Azərbaycan Respublikası Müharibə, Əmək və Silahlı Qüvvələr Veteranları Təşkilatının “30 il” yubiley medalı ilə təltif olundu.
