"Aprel şəhidləri"
04 aprel 2018-ci il tarixdə məktəb-liseydə "Aprel şəhidləri"nin xatirəsinə həsr olunmuş tədbir keçirilmişdir. Tədbiri giriş sözü ilə məktəb-liseyin direktoru Nəbi Mahmudov açmış, 2016-cı ilin 02-04 aprel tarixlərində qüdrətli Azərbaycan ordusunun qazandığı qələbələrdən danışmış, onların Vətən torpağını düşməndən azad etmək üçün Ali Baş Komandanın əmrini gözlədiklərini qeyd etmişdir.
Məktəb-liseyin tarix müəllimi Nərgiz Novruzova "Aprel şəhid"ləri unudulmayacaqdır" mövzusunda məruzə etdi. O, Ali Baş Komandanın rəhbərliyi ilə Azərbaycan ordusunun güclü orduya çevrildiyini, işğal altındakı torpaqlarımızı azad etmək üçün hər an əmr gözlədiklərini, hər bir Azərbaycan vətəndaşının öz torpağını azad etməyə hazır olduğunu diqqətə çatdırdı.
