Bu gün 83 nömrəli məktəb-liseydə “Son zəng” qeyd olunur.
Hər il olduğu kimi bu il də saat 10:00-da başlayacaq “Son zəng” tədbirləri 3 saat davam edəcək və saat 13:00-da yekunlaşacaq. 83 nömrəli məktəb-liseydə “Son Zəng” tədbiri keçirildi. Tədbirdə Azərbaycan Respublikasının dövlət himni səsləndirildi.Sonra, tədbiri açan 83 nömrəli məktəb-liseyin Tərbiyə işlər üzrə direktor müavini Aybəniz Əliyeva çıxış edərək, bu ilki məzunları təbrik etdi və onlara müstəqil həyatda atacaqları addımlarda bol müvəffəqiyyətlər arzuladı.83 nömrəli məktəb-liseyin direktoru Nəbi Mahmudov çıxış edərək, Ulu öndər Heydər Əliyevin Azərbaycan təhsilinin inkişafındakı əvəzsiz xidmətlərindən, bu gün ölkə rəhbərliyi tərəfindən təhsil sahəsində aparılan siyasətdən danışaraq, Azərbaycanda təhsilə qayğının ən yüksək səviyyədə olduğunu, bu sahədə həyata keçirilən hər bir islahatın, baş verən hər bir hadisələrin ilk növbədə Azərbaycanın xoşbəxt gələcəyinə hesablanmış olduğunu diqqətə çatdırdı. Azərbaycan xalqının ümummilli lideri, dünya şöhrətli siyasi xadim Heydər Əliyevin uğurlu siyasətini layiqincə davam etdirən İlham Əliyevin gərgin əməyi nəticəsində bu gün Azərbaycan müstəqil, ədalətli, demokratik, dünyəvi dövlət kimi daim irəliləyir. Sonra, 83 nömrəli məktəb-liseyin biologiya müəllimi,əməkdar müəllim Nüşabə Məmmədova çıxış edərək, Azərbaycan Respublikasının Prezidenti İlham Əliyev tərəfindən ölkədə təhsilin səviyyəsinin artırılması, təhsil müəssisələrinin əsaslı təmiri, yenilərinin tikintisi, onların bütün ləvazimatlarla təminatı və təhsil işçilərinə olan diqqətin artırılması istiqamətində görülən işlər, ölkənin birinci xanımı, Heydər Əliyev Fondunun Prezidenti, millət vəkili Mehriban xanım Əliyevanın da təhsilin inkişafı istiqamətindəki fəaliyyəti barədə danışmışdır.Nüşabə Məmmədova müstəqil həyatın astanasında duran məzunlara uğurlar diləyərək, ölkəmiz və xalqımız üçün layiqli övlad olmalarını arzulamışdır.Sonda Məktəb-liseyin XI sinif şagirdləri çıxış etdilər.Tədbir məktəblilərin musiqili-bədii çıxışları ilə davam etmişdir.
