Şagirdlərimizdən ibarət "Alim Gəmisi” komandasının uğuru
“Məktəblinin dostu” layihəsinin məktəblər arasında "21 Fevral-Beynəlxalq Ana Dili Günü"nə həsr olunmuş
intellektual yarışı təşkil olunub.
Yarışda Bakı şəhərinin 8 məktəbindən 8 komanda iştirak edib. İki mərhələdən ibarət olan yarışda hər mərhələdə iştirakçılara 12 sual təqdim edilib.
İntellektual yarışda 83 nömrəli məktəb-liseyin “Alim Gəmisi” komandası I yerə, 244 nömrəli tam orta məktəbin “İstiqlal” komandası II yerə, 5 nömrəli tam orta məktəbin “Evrika” komandası III yerə layiq görülüb.
Qalib komandalara kubok, medal, diplom və hədiyyələr təqdim edilib.
