I yarımilin yekunlarına həsr olunmuş Pedaqoji Şura iclası keçirilib
07.02.2025-ci il tarixində məktəb-liseydə 2024-2025-ci tədris ilinin I yarımilinin yekunlarına həsr olunmuş Pedaqoji Şura iclası keçirilib.
Məktəb liseyin direktoru Almaz Bayramova 1-ci yarımil ərzində görülmüş işlər və 2-ci yarımildə qarşıda duran hədəflər, vəzifələr barədə geniş məruzə edib.
Daha sonra təlim - tərbiyə işləri üzrə direktor müavinləri məktəbdaxili qiymətləndirmə və I yarımil üzrə təlim məticələri barədə hesabatlarını təqdim ediblər.
Ötən tədris ilində TİKTA tərəfindən məktəb-liseydə aparılmış monitorinq nəticələrinin hesabatı məktəb-liseyin direktoru tərəfindən pedaqoji heyətin nəzərinə çatdırılıb. Dərs bölgüsündə edilmiş dəyişikliklər haqqında məlumat verilib.
Şagird davranış qaydalarının tətbiqi vəziyyəti müzakirə olunub. Cari məsələlərdə intizam məsuliyyəti haqqında məsələlərə toxunulub.
