Dövlət Bayrağı Meydanına ekskursiya
12.05.2015-ci il tarixdə 83 nömrəli məktəb-liseyin istedadlı şagirdlərdən ibarət bir qrup şagirdlər Uşaq Birliyi Təşkilatının rəhbəri Səyyarə Alıyevanın rəhbərliyi ilə Dövlət Bayrağı Meydanına ekskursiya təşkil edilib.Ekskursiya çərçivəsində Dövlət Bayrağı meydanının əməkdaşları tərəfindən Azərbaycan bayrağı, onun tarixi, eləcə də Dövlət Bayrağı Meydanının tikilməsi haqda müfəssəl məlumat verilib.Bildirilib ki, tikintisinə 2007-ci ildə başlanılmış Dövlət Bayrağı meydanının təntənəli açılış mərasimi 2010-cu il sentyabrın 1-də Prezident İlham Əliyev tərəfindən keçirilib.Ekskursiya çərçivəsində 83 nömrəli məktəb-liseyin istedadlı şagirdləri və Uşaq Birliyi Təşkilatının rəhbəri Səyyarə Alıyeva Dövlət Bayrağı Muzeyində də olub, muzeyin fəaliyyəti və orada yer alan muzey eksponatları ilə tanış olublar.Eyni zamanda muzeydə fəaliyyət göstərən unikal elektron kitabxana və Dövlət Bayrağı Meydanının tikintisini əks etdirən 3 dəqiqəlik video çarx nümayiş etdirilib.
