“Ümumi təhsil müəssisələrində şagird təhlükəsizliyi barədə” iclas keçirilib
Təhlükəsizlik tədbirləri ilə bağlı məktəb-liseyin pedaqoji və texniki heyəti ilə iclas keçirilib.
“Ümumi təhsil müəssisələrində şagird təhlükəsizliyi barədə” Azərbaycan Respublikası Elm Və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyindən daxil olmuş 08.10.2024-cü il tarixli təlimati məktuba əsasən məktəblərdə normal iş ahənginin qurulması, təlim-tərbiyə prosesinin mövcud qanunvericiliyin tələblərinə uyğun aparılması, şagirdlərin, müəllimlərin və digər kollektiv üzvlərinin fiziki, psixoloji və sosial təhlükəsizliyinin təmin edilməsi məqsədi ilə həyata keçirilməli vacib tədbirlər çərçivəsində məktəb-liseyin direktoru Almaz Bayramova pedaqoji və texniki heyətlə iclas keçirib. İclasda əməkdaşlar məktəb mühitində təhlükəsizliyin təmin olunması istiqamətində onların üzərinə düşən öhdəliklər barədə bir daha təlimatlandırılıb.
