“Əbədiyaşar dövlət xadimi” adlı dəyirmi masa keçirilib.
Ümummilli lider Heydər Əliyevin anadan olmasının 101-ci ildönümü münasibətilə məktəb-liseydə keçirilən müxtəlif tədbir və dəyirmi masalar ulu öndərin ölməz xatirəsinin əbədiyaşarlığının canlı təcəssümünə çevrilib.
Məktəb-liseyin yuxarı sinif şagirdləri və tarix müəllimlərinin təşkilatçlığı ilə keçirilən dəyirmi masada ümummilli liderin həyat yolu barədə maraqlı faktlar, foto və videomateriallar təqdim olunub. Ulu öndərin dövlətçilik fəlsəfəsinin, azərbaycançılıq məfkurəsinin öyrənilməsi, həmçinin Azərbaycan tarixi və mədəniyyətinin, Azərbaycan dilinin və digər milli-mənəvi sərvətlərinin beynəlxalq aləmdə tanıdılmasına böyük imkanlar açan Heydər Əliyev siyasətindən danışan tədbir iştirakçıları onun qəlblərdə əbədiyaşar dövlət xadimi olmasını söyləyiblər.
Həmçinin qeyd edildi ki, ümummilli lider Heydər Əliyev müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri-istedad sahibi, müdrik dövlət xadimi kimi daxil olub.
