“Heydər Əliyev və Yaşıl dünya naminə həmrəylik” adlı tədbir keçirilib.
10 may bütün türk dünyasının iftixarı, dünyaşöhrətli müdrik siyasi şəxsiyyət və görkəmli dövlət xadimi, müasir müstəqil Azərbaycan dövlətinin memarı və qurucusu ümummilli lider Heydər Əliyevin anadan olmasından 101 il ötür. Bu münasibətlə 83 Nli məktəb-liseydə “Heydər Əliyev və Yaşıl dünya naminə həmrəylik” adlı tədbir keçirilib.
Tədbirdə iştirak edən 8-11-ci sinif şagirdləri öz təqdimatlarında Heydər Əliyevin Azərbaycana və Azərbaycan təbiətinə olan sevgisindən bəhs ediblər. Onların müxtəlif mövzuda hazırladıqları səhnəciklər, ifa etdikləri mahnılar tədbirə öz rəngarəngliyini qatdı.
Sonda çıxış edən məktəb-liseyin direktoru Almaz Bayramova da, Ulu Öndər Heydər Əliyevin fenomenal şəxsiyyəti, dahiliyi, uzaqgörən siyasəti, xalqımız üçün misilsiz xidmətlərini, onun uğurlu siyasətinin Müzəffər Ali Baş Komandan İlham Əliyev tərəfindən uğurla davam etdirilməsini xüsusilə vurğulayıb.
