"Bilim Bakı" mərkəzinə ekskursiya
Məktəb-liseyin şagirdləri "Bilim Bakı" mərkəzində ekskursiyada olublar. Mərkəzdə şagirdlərə müxtəlif təlimlər keçirilib, oyunlar oynanılıb. "Bilim Bakı" mərkəzinin yaradılmasında əsas məqsəd 6-14 yaşlı şagirdlərin texnologiya, innovasiya, elm və sahibkarlıq sahəsində bilik və bacarıqlarını inkişaf etdirmək, onlara məktəbdə öyrədilən anlayışları tətbiqi təlimlər vasitəsilə əyani nümayiş etdirməkdir. Eyni zamanda, gündəlik həyatda elm və texnologiyanın ekvivalentini göstərmək və nəzəriyyəsi məlum olan elmi hadisələrin praktikada necə işlədiyini müşahidə etmək imkanlarını yaratmaq əsas prioritetlərdir.
