Bəxtiyar Vahabzadə-90
Bu il möhtərəm prezidentimiz İlham Əliyevin sərəncamı ilə böyük şairimiz Bəhtiyar Vahabzadənin 90 illiyi dövlət miqyasında qeyd olunur. 06.05.2015-ci il tarixdə 83 nömrəli məktəb-liseydə Azərbaycan şeirini vətənpərvərlik, vətəndaşlıq ruhu ilə zənginləşdirən xalq şairi Bəxtiyar Vahabzadənin anadan olmasının 90 illiyinə həsr edilmiş “Bəxtiyar Vahabzadə-90” adlı tədbir keçirilmişdir. Məktəbin akt zalında keçirilən tədbirdə məktəbin şagirdləri, müəllimlər və valideynlər iştirak etmişdir.Məktəb- liseyin direktoru Nəbi Mahmudov tədbiri öz çıxışı ilə açıq elan edərək xalqımızın azadlığı, müstəqilliyi uğrunda həm canıyla, həm də əsərləri ilə vuruşmuş xalq şairinin zəngin sənət irsindən söhbət açmışdır.Tədbirdə məktəbin Azərbaycan dili və ədəbiyyat müəllimi Zəhra Qəmbərova,Samirə Əhmədova,Vüsalə Ağayeva,Gülsarə Əhmədova,Rəna Vəliyeva,Səbinə Məmmədova,Aynur Əhmədova,Gülnarə Alıyeva və qirayət dərnəyinin rəhbəri Arzu Əhədovanın rəhbərliyi ilə şagirdlərin hazırladıqları səhnəciklər nümayiş etdirilmiş, B. Vahabzadənin şeirləri və onun şeirlərinə yazılmış mahnılar səsləndirilmişdir.
